Гувернерот Вјачеслав Гладков соопшти дека шест руски цивили се ранети од шрапнели во гранатирање на пограничната Белгородска област.

Тој  изјави дека шест цивили во селото Уразово се повредени од шрапнели, а еден маж е во критична состојба. Во нападот се оштетени 16 куќи, јавни и спортски објекти, два деловни објекти, четири автомобили, а искинат е и далновод.

Руските медiуми пренесуваат дека украинските вооружени сили на Украина денеска се обиделе и со дрон да го нападнат Белгород. Медиумите пишуваат дека областите што граничат со Украина, речиси секој ден се цел на гранатирања и напади со беспилотни летала. И во Москва денеска е соборен украински дрон. И руската престолнина нема мир од украински дронови. Руската инвазија на Украина почна лани на 24 февруари, а Украина не планира да отстапи територии на Русија.