Висок ирански претставник денеска изјави дека Ормутскиот теснец никогаш нема да се врати во својата претходна состојба.

„Никогаш нема да го вратиме Ормутскиот теснец во неговата претходна состојба, бидејќи ова е наредба од водачот на Исламската револуција“, изјави Али Никзад, втор заменик-претседател на иранскиот парламент, за полуофицијалната новинска агенција „Мехр“.

Вашингтон и Техеран одржаа разговори во пакистанскиот главен град Исламабад пред две недели, но не успеаја да постигнат договор за прекин на конфликтот. Разговорите следеа по двонеделното примирје. Војната почна на 28 февруари. Израел и САД го нападнаа Иран, го убија ајатолахот Али Хамнеи и неговото семејство. Двете земји бараат Иран да се откаже од поседување нуклеарно оружје. Поради војната, економски штети трпат многу земји. 

Инфлација ќе има и во еврозоната. Ќе биде лошо ако кризата потрае до 2027 година.

Претседателот Доналд Трамп изјави дека американската морнарица ги отстранува иранските мини од Ормутскиот теснец, витален пат за превоз на нафта чие нарушување сè повеќе ја загрозува глобалната економија.

foto printskrin youtube