И покрај најавите за привремено смирување на тензиите, Ормускиот теснец и натаму е фактички затворен, а поморскиот сообраќај низ еден од најважните светски енергетски коридори е речиси во застој. Според најновите податоци, во изминатите 24 часа низ теснецот минале само неколку бродови, далеку под вообичаениот дневен обем од околу 140 пловила.

Дополнителна тежина на ситуацијата ѝ дава и оценката на директорот на ADNOC, Султан ал Џабер, кој порача дека теснецот е „затворен“ и побара негово итно и безусловно отворање. Во меѓувреме, голем број бродови остануваат блокирани или се движат само со посебна дозвола, што ја одржува неизвесноста на светските пазари и врши притисок врз енергетските текови.