Местото на Украина е во НАТО, изјави шефот на Алијансата Јенс Столтенберг во четвртокот во Киев за време на неговата прва посета на земјата од почетокот на инвазијата на Русија. Ненадејното патување, кое доаѓа повеќе од една година по почетокот на војната, е многу чувствително и доаѓа во време кога украинските власти вршат притисок да се приклучат на западната воена алијанса што е можно поскоро.

Говорејќи во Киев заедно со украинскиот претседател Володимир Зеленски, Столтенберг рече дека земјата припаѓа на евроатлантското семејство.

„Местото на Украина е во НАТО“, рече генералниот секретар, „и со текот на времето, нашата поддршка ќе ви помогне да го овозможите тоа.“ Украинската влада официјално побара „забрзан пристап“ за влез во НАТО минатиот септември. Но, додека НАТО во 2008 година вети дека Украина на крајот ќе стане членка, повеќето сојузници - вклучително и САД - беа претпазливи да создадат конкретен пат кон алијансата за Киев додека беснее војната.

Ова прашање поттикна фрустрации и несогласувања во алијансата, а со кратка ракција на социјалната мрежа „Твитер“ се огласи и унгарскиот премиер Виктор Орбан на оваа вест: „Што?!“

What?! https://t.co/j3mJojHHOl

— Orbán Viktor (@PM_ViktorOrban) April 21, 2023

Унгарија, која исто така е членка на Алијансата, постојано објавуваше дека е против идејата Украина да стане дел од тој воен блок.