Унгарскиот премиер Виктор Орбан отворено ја доведува во прашање одржливоста на Украина како суверена држава и тврди дека Русија ќе победи. Неговата влада во Будимпешта го излепи градот со плакати против руските санкции. Освен тоа, унгарската државна опера ја поставува „Војна и мир“ на Сергеј Прокофјев.

„Политико“ пишува дека Орбан неодамна на собир на мала група меѓународни конзервативци изјавил дека Русија веќе успеала да ја претвори Украина во непремостлива руина. Според него, Украина е ничија земја. Орбан смета дека Украинците треба да се откажат од војување. 

„Украина сега е Авганистан. Владимир Путин нема да загуби и времето е на страната на Русија“, рече Орбан. 

Украинските власти бурно реагираа на неговите изјави. Но, Западот вети стотици модерни тенкови за Украина. Украинските власти сметаат дека за годишнината од почетокот на војната, Русија планира голема офанзива.