Унгарија бара примирје во Украина и да се бара мирно решение. Премиерот Виктор Орбан вели колку побрзо, толку подобро. 

„Русија не може да ја победи Украина бидејќи целиот западен свет се построи зад Киев“, рече Орбан. 

Кажа дека во исто време, Русија е нуклеарна сила и нуклеарните сили не можат да бидат ставени во ќорсокак, бидејќи тие можат да предизвикаат нуклеарна војна. 

Германскиот канцелар Олаф Шолц изјави дека Западот ќе продолжи да ја поддржува Украина додека е потребно, но не би било „паметно“ за Киев да го користи оружјето кое го добива за да ја нападне руската територија, објави Ројтерс.

Генералниот секретар на НАТО Јенс Столтенберг денеска изјави дека Алијансата видела знаци дека Кина размислува за испорака на оружје за Русија и го предупреди Пекинг да не презема такви чекори.

Поранешниот британски премиер Борис Џонсон предупреди дека безбедноста на Велика Британија може да биде загрозена доколку Украина ја загуби војната со Русија.

„Украина „не се скрши“ и ќе „триумфира“ над руските војници и рускиот терор“, изјави денеска украинскиот претседател Володимир Зеленски во пресрет на годишнината од руската инвазија на Украина.

Тој сака средба со кинеските власти. Вели дека е добро тоа што Кина зборува за мир во Украина. 

Утре се навршува една година од почетокот на војната во Украина.