Унгарскиот премиер и водачот на владејачката партија Фидес Виктор Орбан ја претстави својата изборна програма за претстојните избори за Европскиот парламент. Програмата има седум точки. 

Според Орбан, "на 26-ти мај ќе се гласа за тоа дали ЕУ ќе биде управувана од промигрантни или анти-имигрантски политичари". 

Виктор Орбан повика "решението на мигрантското прашање да биде одземено од рацете на бирократите во Брисел".

"Земјите не треба да се обврзуваат да прифаќаат мигранти. Никој во Европската унија не треба да се прифати без документи. Треба да биде укината монетарната помош и визите за мигранти", рече Орбан и додаде: "Брисел не треба да ги поддржува финансиски невладините организации на Сорос, кои им помагаат на мигрантите ". 

"Брисел треба да користи средства за заштита на границите. Никој во Европа не треба да биде дискриминиран само затоа што е христијанин. На чело на Европската унија треба да застанат антимигрантски лидери", изјави уште Виктор Орбан.