Лидерот на опозициската „ционистичка унија“ Јицак Херцог изјавил дека неговата партија нема да се приклучи на следната влада и го обвини Бенјамин Нетанјаху за расизам, соопштува „АП“.

Херцог истакнал пред „Army Radio“ дека неговата „ционистичка унија“, кој заврши втора по спроведените предвремени парламентарни избори, ќе остане во опозиција и ќе ја „предизвикува десното малцинската влада“.

Тој ја критикуваше кампањата на Нетанјаху, нагласувајќи дека имало многу расизам во неа и била базирана на „лаги, непријателство и поттикнување на страв“.

Во последен момент, за да добие поголема поддршка на изборите, Нетанјаху изјавил дека Арапите биле натерани да гласаат масовно и дека се закануваат со управување на неговата партија „Ликуд“.

Белата куќа и израелските Арапи го обвинија Нетанјаху за расизам.

Според резултатите од изборите „Ликуд“ добива 30 места во 120-члениот Кнесетот. „Ционистичката унија“ е втора со 24 мандати. Останатите партии кои влегуваат во парламентот, се: „Обединети Арапски листови“ со 13 места; „Иеш Атид“ со 11 места; „Кулану“ со 10 места; „Еврејски дом“ со 8 места; „Шас“ со 7 места; „Нашиот дом Израел“ и „Рхадут Хатор“ завземале по 6 места, а „Мерец“ со 5 места.

Дасноцентристите имаат најголема шанса за формирање на влада. Нетанјаху веќе им најавил на неколку лидери на партии за отпочнување на консултации.

Рекорден број жени влегуваат во парламентот - 28. Исто така има поголем број Арапи - 17. Одзивот е 72,3%, што е највисок од 1999 година, кога беше 78,7%.