Сите решенија за спас на Кипар од тешката финансиска ситуација во банкарскиот сектор на земјата ќе бидат тешки за тамошните власти. При тоа помош од европските партнери сепак има, но таа ќе биде насочена кон оптимизирање на загубите и заштита на најранливите елементи од банкарскиот систем, изјави европскиот комесар Оли Рен. „Европската комисија интензивно бара решение за помош за Кипар", истакна Рен во својата изјава. Тој додава дека поради настаните од последните денови, нема веќе оптимални варијанти за Кипар. „Денеска сме принудени да направиме тежок избор. Блиската иднина на земјата ќе биде особено тешка", заклучува комесарот.