Франција нема да толерира никакви активности кои се закануваат за нејзината безбедност.

Ова го изјави претседателот на земјата Франсоа Оланд, откако од документи, распространети на интернет, стана јасно дека САД ги шпионирале него и неговите двајца претходници.

"Американските власти презедоа обврски", изјави шефот на државата за веста распространета во медиумите, повикувајќи се на ветувањата направени од САД во 2013 година да не ги шпионираат француските лидери.

[button color="orange" size="medium" link="http://faktor.mk/2015/06/24/vikiliks-tvrdi-deka-sad-gi-prislushuvale-zhak-shirak-nikola-sarkozi-i-fransoa-oland/" target="blank" ]ВИКИЛИКС тврди дека САД ги прислушувале Жак Ширак, Никола Саркози и Франсоа Оланд[/button]

"Тие треба да бидат потсетени и строго исполнети", рече уште Оланд.

Документите објавени во Викиликс, откриваат дека американските служби ги прислушувале Оланд, Никола Саркози и Жак Ширак во периодот 2006 - 2013 година.

САД се уште не ја потврдиле автентичноста на документите.

Потсетуваме дека во 2013 година откритијата на поранешниот соработник на Агенцијата за национална безбедност Едвард Сноудън покажаа дека САД масовно следеле и прислушувале и политички фигури, така и обични граѓани на сопствена и странска територија.