Окупиравме важно пристаниште во Мариупол, велат проруските сепаратисти во Украина. 

Лидерот на проруските сепаратисти во Доњецк,  Денис Пушилин изјави дека неговите сили целосно го окупирале пристаништето на стратешки важниот град Мариупол, во југоисточна Украина. 

„Што се однесува до пристаништето во Мариупол, тоа веќе е под наша контрола“, вели Пушилин.

Пушилин претходно изјави дека неговите сили ќе ги засилат напорите да го окупираат целиот украински регион Доњецк.

Украинските сили велат дека можеби ги чека последната битка за Мариупол против Русија. 

„Денеска веројатно ќе ја имаме последната битка, ни снемува муниција. Тоа ќе биде смрт за некои, а заробеништво за останатите“, објавија на Фејсбук. 

foto EPA/Marcin Bielecki