Околу 100 тела се извадени од кибуц Беери, јавуваат израелските медиуми, повикувајќи се на групата за пребарување и спасување ЗАКА.

Канал 12 јавува дека телата се префрлени во ладилници. Бројот на жртвите убиени во разурнатиот кибуц, дом на околу 1.000 жители, се верува дека е уште поголем, пишува „Тајмс оф Израел“.

Еден жител претходно изјавил дека заедницата била целосно уништена од нападот на Хамас. Кибуц е социјална земјоделска општина во Израел со комунален имот и демократски структури. Кибуцимите одиграа важна улога во создавањето на Израел и во ционистичкото движење, и првично беа под силно влијание на социјалистичките идеи. Денес, земјоделското производство во кибуците е надополнето со други стопански гранки, од индустриски плантажи до високотехнолошко производство.

Кибуц е тип на уредување карактеристичен за Израел. Колективната заедница, традиционално аграрна, е наведено на веб-страницата „Туристички Израел“.

Првиот кибуц е основан во 1910 година, а денес ги има повеќе од 270. Тие еволуирале од нивните земјоделски почетоци и многумина денес се приватни.

Кибуците, без оглед на нивниот статус, нудат единствен поглед на израелското општество. Зборот кибуц значи „собир“, а првите биле наречени „квуца“, што значи група.