Водителот Огнен Јанески за 24 Вести вели дека 30 - тина минути пред експлозијата во Њујорк си заминал од местото.

„Имав среќа, заминав 30-тина минути пред немилиот настан бев на местото на случувањето, но, за среќа го напуштив навремено“ - вели тој за 24 Вести. 

29-мина се повредени при силната експлозија во квартот Челзи на Менхетен во Њујорк, САД, синоќа, околу 20.30 часот.

Експлозијата се случила на западната страна на 23-та улица, пред петкатна зграда за слепи луѓе, помеѓу 6-та и 7-та авенија, во реон кој е познат по ноќен живот - барови и ресторани, особено полн со луѓе во сабота навечер. Последните истражувања посочуваат дека експлозијата потекнува од кутија со алати, фрлена до контејнерот.

24 лица се хоспитализирани од 29, и мал дел од нив се здобиле со потешки телесни повреди, меѓу кои и 8-годишно дете, кое се возило во автомобил во моментот на експлозијата. Само еден е со тешки телесни повреди, но, никој од дваесетидеветмината не е во животозагрозувачка состојба.

Околу 23.10 часот пронајдена е уште една (втора) специфична и сомнителна направа (експрес лонец, поврзано со жици за мобилен телефон) на 27-та улица (4 блока погоре, помеѓу истите две авении), која се испитува од њујоршката полиција.