Историската зграда на берзата во Копенхаген, која беше во фаза на реновирање, беше уништена од голем пожар што избувна утрово во центарот на данската престолнина.

Се урна и кулата на зградата, а локалните медиуми јавија дека се слушнал силен удар при падот на кулата.

Лицата кои се наоѓале во зградата се навреме евакуирани и според првите податоци нема повредени.

Блокиран е и пристапот до областа.

Во тек е спасувањето на бројни уметнички дела во зградата која важи за една од најубавите во земјата и еден од симболите на Копенхаген.

BREAKING:

Denmark is having its “Notre Dame moment”

The historical Brsen Stock Exchange building in Copenhagen is on fire.

It was built in 1625 and is one of the city’s most beautiful buildings with its elegant spire

Yesterday was the 5th anniversary of the Notre Dame fire pic.twitter.com/8j6bPsHvaD

— Visegrád 24 (@visegrad24) April 16, 2024

Зградата се наоѓа веднаш до палатата Кристијансборг, каде што се наоѓа Парламентот, е популарна туристичка атракција.

Се урна симболичниот врв во облик на заплеткани опашки на четири змејови, висок 56 метри.

Големи облаци чад се издигнуваат над центарот на Копенхаген и се гледаат луѓе кои трчаат во зградата за да ги спасат сликите. Данските медиуми јавуваат дека анексот на Парламентот е евакуиран.

Полицијата и пожарникарите се пред зградата, која е опкружена со скелиња. Пристигнала и Итна помош, но нема информации за жртви