Официјално: Победникот на Евровизија не користел кокаин во финалето
Вокалистот на италијанската група „Манескин“, кој победи на „Евровизија“ 2021 година, не користел кокаин за време на финалето. Ова го објави Европската унија за радио и телевизија EBU.
Дамијано Давид помина на доброволен тест за дрога откако на Интернет се појави снимка како тој се потпира на масата за време на финалето во саботата вечерта.
Имаше и повици Италија да биде дисквалификувана и друга земја да ja добие победата.
EBU е категоричен дека обвинувањата се лажни и за нив ова прашање е завршено.
„Манескин“ ја донесе првата победа на нивната земја во последните 30 години, а првото место го доби најмногу поради гласот на публиката.
Слично
Поврзани вести
