Австриска влада очекува Европската комисија наесен да го оцени планот за реструктуирање на национализираната банка „Hypo Alpe Adria“, посочи австриската министерка за финании во изјава за тамошните медиуми. - Добивме сигнали дека „Hypo“ ќе биде меѓу одлуките на ЕК наесен - изјави Марија Фектер во разговор за австрискиот весник WirtschaftsBlatt во денешното издание. Австриската влада го национализираше „Hypo“ во 2009 година по прекумерната експанзија на австриските заеми во југоисточна Европа, вбризгувајќи во него повеќе од 2 милијарди евра. ЕК мора да ја одобри наведената државна помош, а Австрија кризираше поради бавното спроведување на реструктуирањето во „Hypo“. Во банката, во последните два месеци, дадоа оставка двајца клучни луѓе, претседателот на надзорниот одбор на „Hypo“, Јоханес Диц и извршниот директор, Готвалд Кранебитер.