Илјадници луѓе низ целиот свет останаа без божикни подароци поради одложувања во големите американски курирски служби " ФедЕкс " ( FedEx ) и " Ју Пи Ес " (UPS ) , пренесе ИТАР -ТАСС . Одложувањето е поради огромниот број на налози во онлајн продавниците, како и лошите временски услови во САД од почетокот на неделава . Ниту една од двете компании не соопшти колку нарачки не биле доставени во предвидениот рок. Единствено истакнаа дека тие се мал дел од вкупниот број пратки . " Количеството на пратките , кои требаше да го произведеме по Божик, ги надмина нашите логистичките можности, поради што испораката на некои пратки се одложува " , се вели во соопштението на " Ју Пи Ес " . Од компанијата уверуваат дека вложуваат максимални напори за побрзо доставување . Слична изјава даде и " ФедЕкс " . Претставници на компанијата коментираа дека од Денот на благодарноста , кој се одбележува во последниот четврток од ноември , до Божик, службата обработила околу 275 милиони пратки . Од двете курирски служби уверија дека ќе ги вратат парите на клиентите , кои платиле за експресна испорака , а не добиле налози на време.