Кипарската Централна банка дури по неколку месеци ќе ја соопшти својата конечна одлука за тоа со колку проценти ќе бидат оданочени необезбедените депозити над 100.000 евра во Банката на Кипар. Според најавите, одлуката за точниот процент на оданочување на депозитите, Централната банка требаше да ја донесе на почетокот на неделава со што требаше конечно да се нормализира ситуацијата во банкарскиот сектор на островот. Но, оттаму соопштија дека  во согласност со постигнатиот договор меѓу владата во Никозија и Еврогрупата, одлуката за данкот ќе се донесе во рок од 90 дена, откако своја оценка ќе даде независен ревизор за активите и обврските на Банката на Кипар.