Генералниот секретар на НАТО, Марк Руте, изјави денес дека постои голема веројатност украинското прашање да се доведе во подобра позиција во следните две недели, истакнувајќи ја улогата што ја играат украинската, американската и турската влада.

„Мислам дека постои можност оваа недела, но и во следните десет дена или две недели, навистина да се стави целото украинско прашање во подобра позиција. Под водство, се разбира, на претседателот Володимир Зеленски, но и под големо влијание на американската влада. Турција игра голема улога тука“, изјави Руте за агенцијата Анадолија.

Рути: Останувам претпазливо оптимист во врска со можниот напредок во…

Руте, исто така, нагласи дека турскиот претседател Реџеп Таип Ердоган е „одличен лидер во рамките на НАТО и е навистина почитуван од неговите колеги“, пренесува турската агенција.

Почетокот на руско-украинските преговори е најавен за утре во Истанбул, но сè уште не е познато дали рускиот претседател Владимир Путин ќе учествува во нив.

Фото: Принтскрин/Х