Според извештајот на Светската банка, базиран на истечени внатрешни документи од „Исламска држава“, привлечените странски „засилувања“ во терористичката организација се релативно добро образовани, коментира Statista.

- Пред-чекор кон разбирањето зошто некои лица се радикализираат, е да имаме некаква идеја кои се тие“, коментира Светската банка во својот извештај.

Новите засилувања во ИД доаѓаат од сите континенти. Саудиска Арабија, Тунис, Мароко, Турција и Египет се топ 5 на земјите од кои доаѓаат најмногу нови членови. Од немуслиманските земји најмногу приврзаници на организацијата доаѓаат од Русија, Франција и Германија.

Според податоците на Светската банка просечната возраст на странските засилувања е 27,4 години. Најмладите членови доаѓаат од Либија (23,7 години во просек), а најстарите - од Индонезија (33,5 години во просек). Податоците покажуваат дека просечната возраст на странските засилувања не ја одразуваат демографијата на регионот, од каде доаѓаат: постарите членови не пристигнуваат од „постарите“ региони.

Во однос на образованието 43,3% од членовите имаат средно образование, а 25,4% имаат и високо. Само 15% го напуштиле училиштето пред гимназија, а помалку од 2% се неписмени. Покрај тоа, од земјите во Европа и во Централна Азија, како и други земји членки на ОЕЦД (Организација за економска соработка и развој), доаѓаат засилувања со слично ниво на образование во однос на своите сонародници. За разлика од нив, членовите кои доаѓаат од Блискиот Исток, Северна Африка и Јужна и Југоисточна Азија се значително пообразовани од средното ниво за регионот.

Светската банка сепак остава можноста нивото на образование да е преценето, бидејќи податоците се базираат на личните искази на регрутите.