По откритијата на бројни медиуми за основани во Панама офшор компании државното обвинителство во земјата започна истраги.

„Откако информациите за т.н.„Panama Papers“ станаа јавни, сега државното обвинителство им дава почеток на соодветните истраги“, се вели во соопштението на Министерството, цитирано од AFP.

Меѓународниот конзорциум на истражните новинари во Вашингтон објавува истраги врз основа на истекот на 11,5 милиони документи со адвокатска фирма „Mossack Fonseca“ чие седиште e во Панама открива како политичари, богаташи и личности gi кријат своите пари во офшор компании. Од документите станува јасно дека многу политичари, спортисти и личности ги чувале своите пари во офшор компании.

Претседателот на Панама Хуан Карлос вели дека владата на земјата ќе соработува „енергично“ на секоја истрага која произлегува од вчера објавениот огромен спектар на информации за финансиските интриги во светот на богатите и познатите. Според зборовите на Карлосоткритијата нема да ја отстапат неговата влада од политиката на нулта толеранција кон секоја незаконска активност во финансискиот сектор во Панама.

Рамон Фонсека, коосновач на адвокатска канцеларија, чии документи беа обезбедени до медиумите, изјави за панамски ТВ канал, дека таа не носи одговорност за каква да е криминална активност извршена со офшор инструменти создадени за нејзините клиенти.

Пред „France Presse“ Рамон Фонсека коментира дека истрагата спроведена од над 100 медиуми во светот за средствата на политичари и познати личности во даночните засолништа, е „злосторство“ и напад врз Панама.

Директорот на компанијата смета дека таа е жртва на „меѓународна кампања против приватноста“. Во телефонското интервју за агенцијата Ројтерс Фонсека, кој е поранешен владин функционер во Панама, соопшти дека неговата фирма има создадено повеќе од 240 илјади компании, повеќето од кои биле користени со легитимна цел.

„Сметаме дека постои меѓународна кампања против приватноста која е свето човеково право, но има луѓе во светот, кои не го разбираат тоа“, посочил Фонсека.

Во меѓувреме етичката комисија на меѓународниот фудбалски сојуз „FIFA“ започнува внатрешно прелиминарна истрага против сопствениот член Хуан Педро дами од Уругвај. „Да, веста е точна. Можам да потврдам дека почнавме т.н. прелиминарна истрага“, појаснува портпаролот на комитетот Роман Гаизер, без да дава детали.

Според откритија на „Süddeutsche Zeitung“ во „Panama Papers“ има и траги од афера во „FIFA“. На пример Уругвајскиот адвокат дамите, член на етички комисија на FIFA, помогнал на тројца обвинети да прикриваат следи со компании - бушони. Со нивна помош биле поткупени фудбалски функционери.

Според документите Дамиани ги создал фирмите за својот сонародник и поранешен потпретседател на „FIFA“ Еугенио Фигуередо, како и за Аргентинците Хуго и Мариано Хингис, кои тргуваат со спортски права. Тие платиле милиони долари на функционери на „FIFA“, за да добијат поволни права за емитување на различни првенства, кои потоа се препродадени по  „надуени цени“.