Европа минува низ драматична промена на времето. Студен бран продира низ срцето на Европа, носејќи значително постуден воздух длабоко кон југ и создавајќи услови за повеќедневен период на опасно време.

Студената воздушна маса се судира со топол и влажен воздух над Медитеранот, што е класичен рецепт за силни невремиња, град и обилни врнежи. Се закануваат и суперклеточни бури, но и поројни поплави.

Студената воздушна маса уште од четврток зафати голем дел од Европа, а најизразен пад на температурите се очекува во западна и средна Европа, како и на северниот Медитеран.

Утринските температури во многу подрачја ќе се спуштат близу нулата или под неа, додека дневните максимуми ќе бидат за 10 до 15 степени пониски од вообичаеното за ова време од годината.

Најстуденото утро се најавува за сабота, со реална опасност од мраз во пониските предели. На Алпите и Пиринеите се очекува нов снег, локално и до 50 сантиметри до почетокот на следната недела.

Кон крајот на викендот студениот бран постепено ќе слабее, а на почетокот на следната недела се очекува нагла промена — потопол воздух од југозапад повторно ќе се врати во Европа. Температурите брзо ќе се нормализираат, а на некои места ќе бидат и над просекот, пишува Severe Weather Europe.

Според Severe Weather Europe, најзагрозени подрачја се северна Италија, јадранското крајбрежје и делови од Балканот. Се очекуваат силни невремиња со град, бурен ветер и локално обилни врнежи кои може да предизвикаат поројни поплави.

Кон крајот на викендот овој голем студен бран ќе почне да слабее. Следната недела се очекува уште една промена на времето. Блокадата над Атлантикот ќе се распадне, а потопол воздух од југозапад ќе се врати во Европа.

Температурите ќе се вратат на вообичаените вредности за мај, а во некои области ќе бидат и над просекот. Можно е и рано појавување на топлотен бран.

Потоплото време следната недела најпрво ќе се прошири кон западна и југозападна Европа, а потоа постепено ќе се поместува кон исток како што ќе одминува неделата.

Фото: Severe Weather Europe