Конгресниот комитет на САД ја објави „исчезнатата минута“ од видеото од надзорната камера од надворешноста на ќелијата на осудениот педофил Џефри Епстајн во ноќта на неговата смрт, фрлајќи сомнеж врз претходните тврдења на американскиот државен обвинител Пам Бонди дека „секоја вечер на полноќ се брише една минута кога камерите се ресетираат“.

Комитетот за надзор и реформи на Претставничкиот дом објави повеќе од 33.000 страници документи поврзани со случајот Епстајн во вторник, во услови на зголемен притисок врз администрацијата на американскиот претседател Доналд Трамп. Министерството за правда (DOJ) и Федералното биро за истраги (FBI) досега инсистираа дека покојниот финансиер не водел „список на клиенти“ за својата педофилска мрежа.

Претходно објавените снимки од надзорната камера од блокот каде што беше задржан Епстајн покажаа пауза од една минута, од 23:59 часот до полноќ на 10 август, предизвикувајќи шпекулации и обвинувања за прикривање. Официјалната верзија останува дека станува збор за самоубиство.

Во новообјавеното видео, веднаш по 23:59 часот, еден човек се оддалечува од масата за следење и исчезнува од екранот. Сепак, камерата нема видно поле кое го вклучува влезот во ќелијата на Епстајн. Отсуството на празнина во видеото е во спротивност со претходното објаснување на Бонди.

„Она што го слушнавме од Бирото за затвори е дека видеото се ресетира секоја вечер и дека истата минута треба да недостасува секоја вечер“, изјави таа за новинарите во јули.

Видеото со „минутната загуба“ нема свои метаподатоци - технички информации што би можеле да потврдат дека станува збор за суров, необработен материјал. Исто така, неговиот квалитет е значително полош, брзината на сликите е намалена, а форматот на текстот на екранот е различен, објави CBS News, повикувајќи се на експерти за видео форензика.

Заклучокот на Министерството за правда и ФБИ дека Епштајн немал „инкриминирачки список на клиенти“ предизвика остра реакција од пратениците и бројни коментари.

Претседателот Трамп, кој за време на неговата кампања за реизбор вети дека ќе ги „објави досиејата на Епстајн“, ги отфрли критиките за наводните врски со овој случај, нагласувајќи дека само „глупави луѓе“ инсистираат да го видат наводниот список на клиенти на сексуалниот трговец.

The missing minute from Jeffrey Epstein’s surveillance footage has finally been released.

The original tape jumped from 11:58 p.m. straight to midnight—but the recovered clip reveals guards walking toward Epstein’s cell at 11:59:39, just seconds before midnight. pic.twitter.com/fi4yXML24X

— Shadow of Ezra (@ShadowofEzra) September 2, 2025