Во последниот годишен говор "За состојбата на Унијата" претседателот на САД Барак Обама се обиде да ги смири стравувањата на Американците за состојбата на економијата, безбедноста и иднината, а во исто време ги нападна некои од најагресивните искази на републиканците, кандидати за Белата куќа на изборите во ноември.

Пред двата дома на парламентот и лидерите на администрацијата и судството во седмиот говор и година пред да истече неговиот втор мандат тој им зборуваше повеќе на Американците отколку на конгресмените, сенаторите, судиите и министрите во салата.

"Верувам во вас. Затоа денес сум убеден дека нашиот сојуз е силен", изјави во заклучок претседателот. Неговиот говор беше пократок од вообичаеното и за изненадување на многумина во него само еднаш зборуваше за проблемите во САД со огнено оружје. Но екипата на Белата куќа испрати силна порака за ова болно прашање како Првата дама Мишел Обама не го зазеде своето место во салата како симбол на празните столчиња, кои остануваат по жртвите. Овој гест #EmptySeat стана една од водечките теми  за Американците на "Твитер".

"Живееме во време на исклучителни промени кои го менуваат начинот на живот, на работа, нашата планета и место во светот. Тоа е промена која може да ги зголеми можностите пред нас или да се прошири нееднаквоста меѓу нас. И без разлика дали ни се допаѓа или не, темпото на оваа промена само ќе се забрзува ", рече Обама.

Една од најамбициозните потфати кои тој ги објави во својот говор, е обид да се изборат со ракот со јавни и приватни ресурси и капацитетот на Америка за иновации. Претседателот го претстави како настан од скалата на американската вселенска програма за летови до Месечината и наложи на потпретседателот Џо Бајден да го предводи "раководството на мисијата". Бајден го загуби минатата година 46-годишниот син поради болеста од рак на мозокот.

Иницијативата „Cancer Moonshot 2020“ има за цел да проработи до крајот на деценијата имунотерапија основана на вакцини за борба против ракот. За таа цел веќе се одвоени 2 милијарди долари за финансирање на истражувачки програми. Одделно, приватни фармацевтски компании и академски истражувачки центри се обединија во почетокот на годината за друга програма за борба против ракот.

Традиционално, американските претседатели ја користат последната програма за резиме на постигнатото од нив. Меѓу пораките за единство Обама рече дека "едно од ретките нешта за кои жалам" е дека американската политика се соочува во состојба на длабока поделеност и дека не успева да одговори за очекувањата на граѓаните.

"Недовербата и сомневањето меѓу партиите се влошија, наместо да се намалат. Без сомнение за пополнување на оваа празнина се потребни вештини како на Линколн или Рузвелт, но ви ветувам дека ќе продолжам да се обидувам да ја подобрам ситуацијата, додека сум на функцијата."

Америка ја почитува својата политика на толеранција, додаде Обама и одговори на повиците на Доналд Трамп: "Затоа треба да ја отфрлиме секоја политика, секоја, која ги напаѓа луѓето само заради расата или религијат. Не станува збор за политичка коректност. Станува збор за тоа да разбираме што не прави силни. "

Илустрација на говорот му беше однесувањето на републиканците, кои речиси и не го поздравуваа и слушаа со камен израз, особено кога Обама ги критикуваше изјавите на некои од нивните кандидати за претседател. Во еден несигурен свет "нашиот одговор треба да е нешто повеќе од зборување со силни зборови и повици за бомбашкиот тепих против цивили", рече тој.

"Кога разочараноста од политиката расте, слушаме повици секој да си седи таму, од каде е, да се користат како жртвени јарци луѓе кои не изгледаат, не се молат, не гласаат како нас или го немаат истото  потекло. Не можеме да си дозволиме да одиме по овој пат. Тој нема да ни ја донесе економијата или безбедноста, која ја сакаме, но најважно - тој е спротивен на сè она за што светот ни завидува. "

Во делот за надворешната политика Обама ја повтори познатата теза дека САД не треба да се изолираат од настаните во светот, но нивното учество во нив треба да станува со изградба на широки сојузи и со фокус на проблеми по студената војна како трговијата, борбата против епидемиите и тероризам и ограничување на климатските промени. Мисијата на Америка е да го направи светот побезбеден, но без да се претвора во светски полицаец, додаде тој.

Според него САД "не можат да се обидуваат да ја преродат секоја држава која е во криза - тоа не е однесување на лидер, тоа е рецепт за неред, пролевање на американска крв и потфат, кој на крајот не слабее, бидејќи има поуки од Виетнам и Ирак и досега би требало да сме ги научиле ".

Обама се воздржа од детали за тоа какви законски измени ќе предложи во последната година од неговото претседателствување, но наброи некои од целите: кревање на трговското ембарго против Куба, барање од Конгресот да одобри употреба на воена сила против "Исламска држава", проширување на опсегот на даночните олеснувања на доход, подостапни колеџи, зголемување на минималната плата, поправка на имиграцискиот систем.

"Сите приказни за економскиот пад на Америка се политички измислици", додаде тој. "Истото важи за зборувањето дека непријателите ни стануваат посилни, а ние - послаби. Соединетите Американски Држави се најсилната држава на светот. Точка."

"Верувам во промената, бидејќи верувам во вас. Затоа денес сум убеден повеќе од кога било, нашиот сојуз е силен", рече Обама во заклучокот.

Анкета од јануари на Gallup покажува дека 76% од Американците се разочарани од состојбата на државата. Според анкетата на CBS News / New York Times од минатата недела 65% сметаат дека САД сосема сериозно се движат по погрешен пат. Сличен скептицизам не е единствен, но во изборна година тој обично и помага на партијата во опозиција да го нападне Белата куќа.