Американскиот претседател Барак Обама најавува дека 2013 може да биде година на солиден економски раст, за што веќе има позитивни сигнали во секторот на недвижности, во индустријата и во отворањето нови работни места.

„САД треба да ги намалт трошоците за здравствена заштита и да ги затворат „дупките“ во даночниот систем што ги користат компаниите и богатите“,изјави за време на редовното неделно обраќање до нацијата.

Сепак економистите не се тилку оптимистични во проценките. Тие укажуваат дека и покрај позитивните сигнали од секторот за недвижности, зголеменото индустриско производство и најавите за нови вработување, сепак останува стравот околу перспективите на економскиот раст. Ова го потврди и неодамнешното објавување на стапката на невработеност во САД која во јануари порасна на 7,9 отсто од декемвриските 7,8.