Претседателот на САД, Барак Обама ја повика Русија и Турција да го надминат дипломатскиот судир помеѓу себе и да се фокусираат на заедничките непријатели „Исламска држава“. Обама се состана со турскиот претседател Реџеп Ердоган во Париз.

„Дискутиравме како Турција и Русија можат да работат заедно, тензиите помеѓу нив да се намалат и да се најде дипломатски пат за решавање на ситуацијата“, изјавил американскиот претседател за новинарите по средбата со Ердоган. „Имаме заеднички непријател „Исламска држава“ и сакам да се уверам дека сите сме фокусирани на оваа закана“, додал Обама.

Вчера американскиот претседател се состана со рускиот колега Владимир Путин, со што и двајцата разговарале за ситуациите во Сирија и Украина. Не беа соопштени детали од разговорот поврзани со соборувањето на рускиот авион „Су-24“ од турските воздухопловни сили минатата недела.

Подоцна Путин, повторно од Париз, изјавил дека Турција го соборила тајниот руски воен авион, за да си ја заштити трговијата на „Исламска држава“ со нафтата.

Ердоган одговорил дека ќе поднесе оставка ако се докаже дека неговата земја купува нафта од терористите во Сирија.

Двајцата претседатели не се сретнаа во рамките на меѓународната конференција за климатските промени Париз, во услови на постојано продлабочување на скандалите помеѓу страните. По соборувањето на бомбардерот, за кој Турција продолжува да тврди дека влегол во воздушниот простор на земјата, Русија воведе економски санкции против Анкара, со кои застануваат заеднички проекти и ја ограничуваат трговската и туристичката размена.