Американскиот претседател Барак Обама започна дебата за членството на Велика Британија во Европската унија со премиерот на Велика Британија Дејвид Камерон, велејќи дека местото на Лондон е во рамките на 28-члениот блок, пренесе AFP.

Обама зборуваше со Камерон по телефон и "потврди дека поддршката на САД за силна Британија во единствена Европска унија ќе продолжи", соопштија од Белата куќа.

Вашингтон одамна ја поддржува Велика Британија, која игра централна улога во најголемиот економски блок во светот, изјави Обама предупредувајќи дека "специјалните односи" со Лондон може да бидат изложени на ризик ако Велика Британија ја напушти ЕУ.

Пред неколку дена премиерот на Велика Британија Дејвид Камерон изјави дека и покрај тоа што меѓу Британија и ЕУ претстојат уште сложени преговори, објавениот проект за законодавни реформи во ЕУ е доволен за да го натера да го поддржи членството на земјата во Унијата.

"Ако успеам да договоран реализација на наведените мерки во Велика Британија, тогаш јас ќе го поддржувам задржувањето на членството нејзино", изјави Камерон за време на својот говор.

Тој рече дека за Велика Британија ќе е подобро да остане во ЕУ, но при сериозни реформи и со ревизијата на условите на членството на земјата. Неговите барања се поврзани со четири области - конкуренцијата, суверенитетот, социјална политика и економскиот менаџмент.

Камерон истакна дека ќе биде за останување на Велика Британија во ЕУ, само ако ЕУ се согласи на сериозни реформи кои одговараат на интересите на земјата. Инаку тој вети дека ќе ја поддржува кампањата за напуштање. Премиерот им даде право на своите министри да одлучат на која страна во дебатата да застанат.