Соединетите Американски држави воведоа нови санкции за Северна Кореја, како одговор за неодамнешниот хакерски напад врз компанијата „Sony“. Санкциите ги одобри американскиот претседател, Барак Обама, а се однесуваат на разузнавачките служби од Пјонгјанг, како и на трговците со оружје од Северна Кореја. Исто така, санкциите ќе бидат спроведени и против десет функционери, кои главно се вработени во разузнавачките служби. „Ова не значи напад врз народот на Северна Кореја, туку напад кој е насочен кон Владата и нејзините активности кои ги загрозуваат интересите на САД“, се наведува во писмото на Обама испратено до лидерите на Сенатот. Ова се први санкции на САД кон Пјонгјанг кој според САД е одговорен за хакерскиот напад. Претходно САД воведоа санкции за Северна Кореја поради нејзината нуклеарна програма.