Уверувањата на главните централни банки дека каматите ќе останат ниски подолг временски период даваат на пазарите „одредена сигурност“. Ова го изјави членот на Извршниот одбор на Европската централна банка (ЕЦБ ) Евалд Новотни , кој истакнува дека тековната политика е резултат од слабиот економски раст и висок степен на несигурност , пишува Ројтерс. „Централните банки им ја даваат на пазарите посакуваната безбедност со пониските нивоа на каматните стапки " , истакна тој за време на економска конференција во Австрија. Сепак Новотни вели дека новиот инструмент на ЕЦБ , познат како „Идните насоки " не е безусловен . Преку овој инструмент централната банка цели на давањето јасен знак на пазарите за тоа каква намера имаат со нивото на каматните стапки во блиска иднина . Овие насоки се од особена важност за инвеститорите , бидејќи им дозволуваат да изградат и долгорочни стратегии за идните вложувања, не само во однос на сегашното ниво на каматните стапки , но и врз основа на идните каматни стапки. Ова ја намалува несигурноста за утрешниот ден. Ваквите коментари на Евалд Новотни пристигаат во пресрет на состанокот на ЕЦБ следниот четврток . Очекувањата, како на пазарите , така и на експертите, се централните банки се дека ќе ја запазат тековната рекордно ниска стапка на каматите од 0,5%. 23 -та членови на Извршната канцеларија на ЕЦБ ќе заседаваат и поради последните економски вести од еврозоната , кои покажаа благо закрепнување во рамките на девизниот блок . Потрошувачката во еврозоната се подобри повеќе од очекуваното во август , достигнувајќи највисоко ниво за повеќе од две години , според податоците на европската статистичка агенција Евростат. Истовремено бруто домашниот производ на Германија , се зголеми за 0,7 отсто во вториот квартал во однос на периодот јануари -март , кога растот беше 0,1% . Минатата недела Евалд Новотни изјави дека до моментов нема причина за дополнително намалување на основните каматни стапки .