Новинар на Њујорк Тајмс е убиен во близина на Киев, потврди шефот на регионалната полиција.

Наградуваниот видео новинар Брент Рено (51) беше застрелан кога руските сили отворија оган врз автомобил во близина на Ирпин.

Друг новинар со него во тоа време бил однесен во болница на лекување по нападот.

„Во Ирпин денеска е застрелан 51-годишен дописник на светски познатиот медиум“, напиша на Фејсбук началникот на полицијата Андриј Небитов. „Повреден е уште еден новинар. Сега се обидуваат да ја отстранат жртвата од воената зона.

„Се разбира, професијата новинар е ризик, но американскиот државјанин Брент Рено плати со својот живот затоа што се обиде да ја нагласи суровоста и немилосрдноста на агресорот“, продолжи тој.