Најмалку девет украински војници загинаа, а околу 20 се повредени ноќеска во два напади на проруските бунтавници во источните делови на Украина. Во Луганск е прогласена вонредна состојба и објавена општа мобилизација за мажите на возраст меѓу 18 и 45 години. Целиот регион на источна Украина останува во состојба на готовност заради „очекувана инвазија од широки размери на воени единици од Киев“, соопшти самопрогласената Народна Република Луганск. Во тек се оружени судири меѓу украинската национална гарда и локалните сили на Луганск во неколку града. Има ранети и припадници на проруските сили во Луганск, но нивниот број засега не се соопштува.