Поради страв од нова финсиска криза, европските банки ќе бидат подложени на стрес тестови со цел да се утврди отпорноста на финансискиот сектор. Сепак  Јурген Фишен , првиот човек на Банкарската федерација на Германија смета дека дел од банките кои ќе поминат на тестовите не значи и по автоматизам дека ќе имаат иднина. Според него резултатите од тестот не се гаранција за успешното преживување на банките. -Оние што ќе го минат тестот, значи дека ќе имаат сила само за да преживеат, вели тој. Овие тестови ќе стартуваат во мај, а резултатите ќе се знаат во октомври. Со нив ќе се утврдува отпорноста на банките од негативните шкови, слични на оние по колапсот на американската банка Леман Брадерс во 2008 година. - Не верувам дека сите банки што денес постојат во Европа ќе преживеат на долг рок. Потрагата за успешен модел останува голем предизвик со оглед на ниските каматни стапки и новите прописи и даноци - рече Фишен.