Нови 1.000 ресторани во Европа планира да отвори синџирот за брза храна Subway, која има повеќе фаст фуд ресторани од McDonald’s Corp., во 2014 година, информираше Bloomberg. „Компанијата има 4.018 сендвичари во Европа, и продолжува да се шири во текот на рецесијата и слабото заздравување на економијата“ - вели регионалниот помошник-директор, Мајк Чарел. Со седиште во Милфорд, Конектикат, компанијата отвора околу 500 институции годишно во Европа. „Европа е најсилниот и брзо растечкиот меѓународен пазар на Subway надвор од Северна Америка и ќе продолжи да биде” - вели Чарел во телефонското интервју од канцеларија во Амстердам. Велика Британија е на чело на рангирањето за раст, а целта е таму да има 2.000 сендвичари до 2015 година. Subway отворила 63 институции во Велика Британија во 2013 година и веќе има 1.544. Стапката на раст може да се забрза уште во Холандија, Финска и Шведска, каде што во секоја од земјите за 12 месеци се отвораат најмалку 20 продавници. Компанијата планира да има присуство во Латвија, Литванија, Грузија и Украина до крајот на оваа година. Украина има потенцијал за раст, која во моментов има 16. Subway планира да додаде 190-200 нови установи во Русија и 100 во Франција во 2014 година, и да ја задржи сегашната динамика на раст. Растот во Италија, Данска и Белгија, кои имаат 17, 15 и 7 е “голем предизвик”. Приходите на Subway во Европа се зголемија за 18% односно до 1,57 милијарди долари во 2012 година. Глобалната продажба на синџирот се зголеми за 9% до 18,1 милијарди долари.