Сопственикот на Tesla и еден од најбогатите луѓе во светот, Илон Маск, ги демантираше пишувањата на медиумите дека имал афера со Никол Шанахан, сопругата на ко-основачот на Google, Сергеј Брин, јавува Би-Би-Си.

Имено, угледниот Wall Street Journal објави сторија за тоа како големото пријателство на Брин и Маск ненадејно завршило поради наводна љубовна врска.

На Твитер, како одговор на една од објавите за наводната афера, коментира дека тоа е тотално сра*е.

Тој рече дека тој и Брин сѐ уште се пријатели и дека викендов биле на забава заедно.

„Ја видов Никол двапати во три години, и двата пати имаше многу луѓе околу нас. Ништо романтично не се случи“, напиша тој.

Yeah, the character assassination attacks have reached a new level this year, but the articles are all nothing-burgers.

I work crazy hours, so there just isn’t much time for shenanigans.

None of the key people involved in these alleged wrongdoings were even interviewed!

— Elon Musk (@elonmusk) July 25, 2022

Угледниот Wall Street Journal, повикувајќи се на сигурни извори, напиша дека Маск бил во кратка врска со Никол на крајот на минатата година. Тоа беше директна причина Брин да поднесе барање за развод, по што заврши долгогодишното пријателство меѓу двајцата милијардери од технолошкиот сектор, стои во уште еден коментар на истата вест.

Прељубата наводно се случила на престижниот саем за уметност Арт Базел во Мајами, откако Маск ја прекинал врската со пејачката Грајмс. WSJ пишува дека Брин и Шанахан во тоа време живееле заедно, но повеќе не биле во врска. Нивната врска наводно се влошила поради пандемијата на Ковид и несогласувањата околу воспитувањето на нивната тригодишна ќерка.