Сите поголеми мобилни мрежи денес се во прекин во Шпанија, само четири недели откако земјата беше погодена од масовно затемнување.

Проблеми со мобилната мрежа беа пријавени околу пет часот наутро, според веб-страницата на Downdetector.

Главните проблеми на кои се жалат луѓето вклучуваат целосно губење на сигналот, целосно блокирање на мрежата и проблеми со интернетот. Исто така, беа погодени и некои линии за итни случаи.

Подрачјата на Баскија, Арагон и Валенсија беа исто така погодени.

Шпанската телекомуникациска компанија „Телефоника“ потврди дека работи на обновување на услугите откако телефонските и интернет врските беа прекинати.

Во меѓувреме, телефонските линии за итни случаи се обновени во Арагон, но проблемите продолжуваат во другите делови од земјата.

Откриена е причината?

Според весникот „Ел Корео“, биле извршени некои „работи за подобрување на мрежата“ што влијаеле на „одредени услуги“.

За потсетување, Шпанија беше погодена од масивен прекин на електричната енергија кон крајот на минатиот месец, предизвикувајќи големи нарушувања во секојдневниот живот, сообраќајот и работењето на бројни компании. Исто така, стотици летови беа одложени, железничкиот сообраќај беше прекинат, а нормалниот живот за миг дојде во застој.