Темата за зголемена отпорност на бактериите на антибиотиците станува се поактуелна, бидејќи тие можат да ги „победат“ дури и најквалитетните лекарства, еволуирајќи во супербактерии отпорни на терапија.

Тие го прават она што отсекогаш го правеле - наоѓаат нови начини за преживување. Како што продолжува потрагата по нови антибиотици, комбинираните терапии се повеќе се тестираат за да се обидат да се борат со бактериите на повеќе „фронтови“ и да ја ограничат нивната способност да развијат отпорност на повторени биолошки „напади“ од антибиотици.

Но, тим научници од САД и Кина пресметале дека новата класа на антибиотици со двојно дејство може да им отежне 100 милиони пати на бактериите да развијат отпорност.

Наречени макролони, тие се всушност синтетички соединенија добиени од постари, веќе познати антибиотици, првпат откриени во 1950-тите, на кои бактериите брзо станале отпорни по широката употреба.

По децении на развој на лекови, голем пробив се случи во 2010 година, кога макролоните беа развиени со додавање на страничен синџир на кинолони во централниот макролиден прстен за да се подобри нивната моќ.

Тие нови соединенија станаа познати по нивниот „исклучителен антибактериски профил“ и способноста да убиваат дури и соеви на бактерии отпорни на лекови - но никој не знаеше точно кои молекуларни карактеристики им ги даваат на макролоните супериорни својства.

„Во суштина, со погодување на две цели во иста концентрација, предноста е што им оневозможувате на бактериите лесно да најдат едноставна генетска одбрана“, вели молекуларниот биолог Јуриј Поликанов.

Но, треба да се направи многу повеќе за да се зајакне одбраната што овие нови антибиотици со двојно дејство ја нудат против смртоносните и променливи бактериски соеви.

Отпорот кон бактериите може да биде „речиси невозможна мисија за нив“, според истражувачите, но не треба да ги потценуваме генетските трикови што бактериите можат одеднаш да ги вклучат за да ги уништат овие нови антибиотици.