Светлана Маниович е водич за светот на екстремниот руски гламур. Таа зрачи со богатство. Дијаманти, крзна, Ролс Ројс - таа има се и повеќе. Во лето можете да ја најдете во Сен Тропе каде што изнајмува вила за 150.000 евра месечно или на јахта во Неапол.

Вака Марија Певчих, соработничка на уапсениот руски опозициски лидер Алексеј Навални, ја опишува сопругата на Тимур Иванов, заменик министерот за одбрана на Русија Сергеј Шојгу.

- Таа сака шопинг. За жал, Москва не ги задоволува нејзините модни потреби, па мора да отпатува во Париз. Таа добива лични состаноци во една од најскапите и најдискретни продавници за фин накит. Овде добива обетки од 150.000 евра и прстени од 104.000 евра направени за неа - додава Певчих.

„Идилата“ ја расипува тоа што Светлана Маниович е сопруга на одговорниот за инвазијата на Украина и убиството на илјадници невини луѓе, нагласува соработничката на Навални.

- Иванов е началник за градежништво во Министерството за одбрана. Неговата работа е да изгради сè, од воени касарни до сериозно чудната воена црква што Владимир Путин толку многу ја сака. Сега тој е одговорен за „реставрацијата“ на Мариупол, градот кој Путин го збриша од лицето на земјата и го окупираше – пишува таа на Твитер.

Певчич сподели видео во кое, како што тврди, Светлана на почетокот на април поминува време во луксузен француски ски-центар.

- Таа е во срцето на Европа, облечена во нејзините дијаманти и крзна. Како сопругата на воен злосторник се прикраде во Франција? Колку и да звучи лудо, тотално и е дозволено да дојде во ЕУ и да шета по Елисејските полиња трошејќи ги парите што ги заработил нејзиниот сопруг бомбардирајќи станбени блокови, убивајќи деца и обезглавувајќи војници во Украина - пишува таа.

Anybody in Paris? We're organising an event for everybody who's not ok with war criminals living comfortably in Europe. We'll gather outside Maniovich's apartment demanding sanctions for this and other Putin-loving criminals.
‼️ Sign up if you're coming https://t.co/t3UgyMLRpY https://t.co/glOxBVypGi

— Maria Pevchikh (@pevchikh) April 20, 2023

Тимот на Навални минатата година објави експозе во кое откри дека минатото лето, непосредно пред ЕУ да ги воведе санкциите за Иванов, брачната двојка се развела. Единствената практична последица од разводот сепак е тоа што таа продолжува слободно да патува низ Европа, додека нејзиниот „поранешен сопруг“ не може.

Тимот на Навални ја засноваше својата истрага на 8.000 протечени мејлови испратени и примени од Светлана во текот на 12 години, кои содржат богати (во секоја смисла) записи за нејзиниот социјален живот, купувања, градежни проекти и трансакции со недвижности, изнајмување јахти, антиквитети и собирање накит.

Светлана се омажи за Тимур Иванов во 2009 година, веднаш по разводот со богатиот бизнисмен Михаил Маниович. Не подоцна од 2010 година, парот почна да го поминува секој август на француската ривиера, изнајмувајќи луксузни вили и јахти. Инспекторите од тимот на Навални откриле дека семејството потрошило не помалку од 850.000 евра за изнајмување имоти само во Сен Тропе. Уште 250.000 евра се потрошени за изнајмување јахти.

Во минатото Светлана имала израелско државјанство. Заедно со нејзиниот прв сопруг, таа имала стан во Тел-Авив, но никогаш не ги пријавила тие средства додека била во брак со Тимур Иванов, што е прекршување на руските правила за финансиско објавување на државните службеници. Ниту едно од нејзините возрасни деца не живее во Русија. Во март 2022 година, кратко време по почетокот на инвазијата на Украина, таа отпатува во Франција за да ја посети својата ќерка, а потоа и нејзиниот син во ОК. На пат, таа купила накит Џоел Артур Розентал и нова облека во Прада.

Минатото лето, Иванови се разведоа, но само на хартија, бидејќи мејловите не покажуваат докази за вистинската разделба на парот. Тој потег се покажа како лукав - во октомври Тимур Иванов се најде под санкции на ЕУ, но неговата „поранешна“ сопруга не беше.

Фото: Твитер