Марта Фашин (33) била 53 години помлада од Сивлио Берлускони и никогаш не стапила во брачна заедница со него. Сепак, покојниот италијански милијардер во тестамент и оставил 100 милиони евра.

Марта дипломирала литература на Универзитетот Сапиенца во Рим во 2018 година. Работела како портпарол на фудбалскиот клуб Милан, каде што го запознала и Берлускони, а почнале да се забавуваат во 2020 година.

Се верува дека нивната љубов започнала преку љубовните писма кои Марта често ги испраќала до Берлускони.

Се шпекулираше и дека самата Марта била толку фасцинирана од Берлускони што ги истетовирала неговите иницијали на своето тело.

Марта никогаш не се експонирала во јавноста, а во март 2022 година, организирала т.н „љубовна забава“ која требала да ја замени класичната свадба.