Пред Окружниот суд во Келн, тужителка успеа да се избори за сума од 115.000 евра. Имено, според пресудата, таа треба да добие толку од станбеното здружение кое го поседувало станот што го изнајмиле и во кој живееле нејзините родители.

Всушност, станува збор за парите што дошле од депозитот за изнајмување стан што нејзините родители го ставиле во 1960 година за стан на источниот брег на Рајна во Келн, пренесува магазинот „Феникс“.

Имено, брачната двојка во 1960 година дала 800 марки како капар за изнајмување стан. Сопствениците на станбеното здружение во чија сопственост е станот парите ги вложиле во акции, што било одобрено со договорот за закуп. Со текот на годините, износот на пари се претворил во богатство.

Ќерката на брачниот пар ги тужела сопствениците на станот затоа што не сакале да и ја платат сумата од 115.000 евра што се натрупала во текот на 70-тина години од 800-те марки на депозитот, пренесува „Б92“.

Како што пишуваат германските медиуми, кога истекол договорот за изнајмување во средината на 2018 година, ќерката на брачната двојка, кои во меѓувреме почина, побарала враќање на депозитот за изнајмување, вклучувајќи ги и акциите. Но, сопствениците на станбената зграда одбиле, повикувајќи се на договорот за изнајмување, платиле само 409,03 евра, што одговарало на оригиналните 800 марки.

Меѓутоа, жената не била задоволна со тоа. Кога тужбата беше поднесена во декември 2021 година, пазарната вредност на гаранцијата за изнајмување беше 115.000 евра.

Договорот за изнајмување предвидувал дека компанијата за недвижности може да го инвестира депозитот за изнајмување во акции. Договорено е и акциите да се издаваат по истекот на закупот. Но, и станбеното здружение го задржа правото наместо акции да плати номинален износ од 800 марки. Окружниот суд во Келн не се согласил, според одлуката на Аз. 203 C 199/21 од 19 јули 2022 година.

Можноста за станбено здружение предвидена со стариот договор за закуп беше неважечка. Според член 551 од германскиот Граѓански законик, закупецот има право на приход од депозитот за кирија, без оглед на избраната форма на инвестирање. Ова влијае не само на исплатените дивиденди, туку и на секое зголемување на цената. Договорите што отстапуваат од ова се неважечки.

Пресудата на Окружниот суд се уште не е правосилна. Сопствениците на станбени компании можат да се жалат до Окружниот суд. Не се знае за која фирма се работи.