НЕТАНЈАХУ ЗА ГАЗА: По војната нема да има Хамас-стан или Фатах-стан
По војната во Газа нема да има Хамас-стан или Фатах-стан, вели израелскиот премиер Бенјамин Нетанјаху.
Тој денеска призна дека има несогласувања со американскиот претседател Џо Бајден за визијата за повоена Газа. Премиерот изјави дека Израел нема да ги „повтори грешките од Осло“.
„Длабоко ја ценам поддршката на САД за уништување на Хамас и враќање на нашите заложници. По интензивниот дијалог со претседателот Бајден и неговиот народ, добивме целосна поддршка за копнената операција и за ограничување на меѓународниот притисок за ставање крај на војната“, рече Нетанјаху, пренесе „Тајмс оф Израел“.
Забелешката за „грешката во Осло“ се однесува на Договорот од Осло од 1993 година, кој е наменет како рамка за идните односи меѓу „Израел и идната палестинска држава, по решавањето на сите останати отворени прашања за конечниот статус на двете држави. ”
„По огромната жртва на нашите граѓани и борци, не можеме да ги пуштиме во Газа оние кои носат терор, поддржуваат терор, финансираат терор“, рече израелскиот премиер.
Бајден вети дека ќе продолжи да го поддржува Израел во војната со Хамас, но предупреди дека неговата земја треба да биде внимателна за „промената на ставот на светското мислење“ во напорите да го собори Хамас од власт.Хамас изјави дека последните изјави на израелскиот премиер Бенјамин Нетанјаху за палестинските власти (ПА) потврдуваат дека тој „не е заинтересиран за политичко решение и сака да ја консолидира окупацијата, особено на Ерусалим и џамијата Ал Акса“.
Палестинската терористичка група Хамас на 7 октомври го нападна Израел. Тие убија над 1.200 израелски цивили, а киднапираа и убија и странци.
Слично
Поврзани вести
