Cо потпишување на Меѓународниот договор за борба против затајувањето на данок, Швајцарија ја укина банкарската тајност, што до скоро се сметаше за недопирлива, соопшти Организацијата за економска соработка и развој – ОЕЦД. Со тоа, како што објавија од даночниот сектор на ОЕЦД, е означен крај на банкарската тајност во оваа земја, притоа истакнувајќи дека со потпишување на Договорот за размена на информациите меѓу повеќе од 60 земји, е од големо значење во борбата против затајување на данокот. Конвенцијата досега ја потпишале членките на Групата 20 водечки светски економии, како и уште 40 други земји. Швајцарија која долго време беше под притисок да ја укине банкарската тајност, е загрижена дека овој чекор ќе го загрози нејзиниот интегритет и репутацијата на нејзините финансиски институции.