Нема докажан исламистички мотив при нападот со нож во германскиот град Минхен, при што едно лице почина.

Напаѓачот, кој е германски државјанин, има психички проблеми и е наркозависник, изјавија властите во германската провинција.

Рано утринава непознат маж изврши вооружен напад со „очигледен исламистички мотив“ во баварскиот град Графинг. Еден човек почина, а тројца беа повредени како последица на нападот.

Полицијата соопшти дека уапсила 27-годишен германски државјанин кој околу 5 часот по локално време нападнал со нож четири лица на железничката станица во градот Графинг, источно од Минхен.

Една од жртвите - 50-годишен маж, подоцна починал од повредите во локалната болница, изјави портпаролот на обвинителството Кен Хаиденраих. Другите повредени се исто мажи над 40-годишна возраст.

Пред локалните медиуми сведоци изјавија дека сторителот извикувал „Алах акбар“ ( “Алах е голем“) за време на нападот.

Ова е трет напад со нож со наводен исламски мотив во Германија од септември досега.