Децата до пет години се единствената група во Америка, но и во некои други земји, која сè уште не може да добие вакцина против Ковид-19, но водечкиот епидемиолог Ентони Фаучи вели дека нема да чекаат уште долго.

„Се надевам дека тоа ќе им биде достапно за разумно краток временски период. Веројатно на почетокот на следната година, односно во првиот квартал од 2022 година“, изјави Фаучи за „Инсајдер“, иако додаде дека тоа не може да го гарантира, бидејќи чека клинички испитувања.

Се чини дека Фајзер најверојатно ќе биде лидер во трката за вакцинирање на бебиња и мали деца, бидејќи веќе се во тек испитувањата на педијатриската вакцина. Модерна и Џонсон и Џонсон, исто така, планираат да ги тестираат своите вакцини против Ковид-19 на најмалите деца, но Модерна сè уште е во фаза на регрутирање деца во групата од 6 месеци до 6 години, додека Џонсон и Џонсон имаа одредени регулаторни одложувања и сè уште ја тестираат вакцината на возраст од 12-17 години.

Претходно оваа година, Фајзер објави дека може да аплицира за итна вакцинација за неговата вакцина до крајот на ноември од Американската агенција за храна и лекови (ФДА) за деца на возраст од 6 месеци до 2 години, а во септември за деца на возраст од 5 до 11 години.