Во последните недели се шпекулира за различни болести од кои би можел да страда Путин

Се почести се шпекулациите за нарушено здравје на рускиот претседател Владимир Путин, а медиумите се почесто шпекулираат за неговата дијагноза.

Британските медиуми се во водство, а нивниот таблоид Мирор носи нови шпекулации. Поранешниот британски разузнавач Кристофер Стил сега се појави во медиумите, тврдејќи дека Путин постојано е опкружен со лекари.

Стил го водеше одделот за Русија во разузнавачката служба МИ6 во Лондон меѓу 2006 и 2009 година, а сега за британското радио ЛБЦ вели дека „точните детали“ за состојбата на Путин сè уште не се познати, дури и за неговите високи колеги. На Путин му треба 24-часовна медицинска нега.

- Очигледно е дека е тешко болен - не е јасно колку е терминален и дали е неизлечив, не можеме да бидеме целосно сигурни во тоа. Но, секако, таа ситуација има сериозно влијание врз раководството на Русија - рече Стил.

Во последните недели се шпекулира за различни болести од кои би можел да заболи Путин, а најчесто се споменува рак. Се пишуваше и дека рускиот претседател бил однесен на итна операција за да му се извади течноста од стомакот, која, патем, се акумулира кај пациенти со рак, цироза или некоја инфекција.

Украинскиот генерал-мајор Кирило Буданов исто така изјави дека Путин боледува од рак и дека во Русија се водат операции за негово отстранување од функцијата.

Стил го потврдува ова:

– Во Кремљ има растечки неред и хаос, нема јасно политичко раководство на Путин, тој се разболува и во воена смисла командните структури не функционираат како што треба – рече тој.

Фото: EPA/MIKHAIL METZEL / KREMLIN POOL