Од НАТО стигнуваат многу позитивни пораки за подобрената соработка меѓу Македонија и Бугарија која кулуминираше со договорот за добрососедство. 

Го поздравуваме Договорот за пријателство, добрососедство и соработка што на 1 август го потпишаа премиерите Бојко Борисов и Зоран Заев, изјави заменик-генералниот секретар на НАТО, Роуз Готемeлер.

- НАТО го поздравува духот на соработка што го направи можно потпишување на Договорот. Тој договор е важен настан во создавањето на позитивни односи во регионот со поглед кон иднината. Неговата примена ќе придонесе за безбедноста на Балканот, која е во интерес на сите - посочи заменик генералниот секретар на НАТО Готемелер.