НАТО и Русија можат да ја продолжат соработката на претходното ниво кога Москва „почне да дејствува во согласност со меѓународното право“, рече претседателот на Воениот комитет на НАТО генерал Петр Павел.

„Сакаме да ја избегнеме конфронтацијата, но не можеме да игнорираме дека Русија ги крши меѓународните норми. Невозможно е да се вратиме на класичната соработка сé додека Русија не почне да дејствува во согласност со меѓународното право“, ги цитира зборовите на генералот чешкиот медиум Aktualne. 

Петр Павел истакнал дека НАТО е заинтересиран за изградба на конструктивен дијалог со Русија, но ситуацијата силно се усложнила во врска со обидот за убиство на поранешниот руски шпион Сергеј Скрипал и неговата ќерка Јулија.

Павле не се зафати директно да ја обвинува Москва во емпатијата кон инцидентот и изразил уверување дека извршителите на нападот ќе бидат фатени.

Генералот истакнал дека и покрај тешкотиите во односите меѓу Алијансата и Кремљ, контактите ќе продолжат. Руски медиуми потсетуваат дека во септември минатата година Павле се сретна со началникот на Генералштабот на русија генерал Варепи Герасимов, кој исто така води преговори со високиот командант на Обединетите вооружени сили на НАТО Кертис Скапароти.