Додека Турција ги бомбардира Курдите во северна Сирија и Ирак поради атентатот во Анкара, Јенс Столтенберг, генерален секретар на НАТО, организација чиј член е Турција, ги повика Шведска и Финска да ги заострат своите антитерористички закони и да ја зголемат соработката со НАТО , вклучително и Турција, за борба против тероризмот и организациите како што е Курдистанската работничка партија.

- Ова е важно за Турција, бидејќи Турција е земја членка на НАТО која е најмногу изложена на терористички напади и затоа е загрижена. Тоа треба да биде пропорционално, но Турција има право да се брани од терористички напади - изјави Столтенберг за шведското радио СВТ.

Ова се случува во време кога Шведска и Финска се уште чекаат согласност од Анкара за влез во Алијансата, која отсуствува поради обвинувањата на Турција дека двете земји ги штитат курдските организации на нивната територија.

Генералниот секретар на НАТО рече дека 28 од 30-те членки веќе го ратификувале, но потписот на Унгарија се уште се чека, заедно со Турција. Столтенберг тврди дека „дојде време да се финализира процесот на пристапување на Финска и Шведска како полноправни членки на Алијансата“.