Наследникот на Samsung Ли Џеј Јонг е осуден на пет години затвор за корупција, кривоклетство и други злосторства.

Централниот окружен суд во Сеул го осуди 49-годишниот бизнисмен, заменик-директор на најголемиот производител на смартфони во светот, за кривични дела поврзани со корупцискиот скандал, кој доведе до соборување на јужнокорејскиот претседател Пак Кан Хе.

Во зима стана јасно дека поранешниот шеф на државата вршел  притисок врз националниот пензиски фонд, за да го поддржи минатата година спојувањето на компаниите Samsung C & T Corp и Cheil Industries Inc. Во замена најверојатно побарал од корпорацијата различни попусти за најдобра пријателка Чои Сунг Сил, според истражителите.

При претрес од компанијата беа конфискувани хард дискови на компјутери, запленети се мобилни телефони и документи поврзани со трансакцијата. Ова беше третото влегување на истражните служби во компанијата Samsung, поврзана со корупцискиот скандал околу Пак Хе.

Политичкиот скандал околу државниот шеф се разгореа, откако таа поднесе јавно извинување за протекувањето на информации за блиската пријателка Чои Сунг Сил, која не е назначена на никаква функција во уредот на претседателот, но имала пристап до десетици текстови на говори и изјави Шефот на државата пред да бидат искажани.