Киев се соочува со можни прекини на струја и прекини во водоснабдувањето и мрежите за греење предизвикани од руските удари, изјави градоначалникот Виталиј Кличко за украинската државна телевизија. Жителите на главниот град треба да направат акции и да размислат за привремено иселување, рече Кличко во саботата вечерта.

Тој го опиша како најлошото можно сценарио. „Правиме се што можеме за да се погрижиме работите да не дојдат до ова“, рече тој.

„Но, ние сакаме да бидеме отворени. Нашите непријатели прават се што можат за да го остават овој град без греење, без струја и без снабдување со вода - накратко, сите да умреме“, рече градоначалникот на Киев.

Тој процени дека во градот има околу три милиони луѓе, вклучувајќи 350.000 внатрешно раселени лица.

Киев се обидува да ја стабилизира својата електрична мрежа со повремени исклучувања кои оставаат делови од градот во темница неколку часа и инсталира 1.000 помали топлани во случај да се прекине топлинската мрежа.

Кличко, познат како поранешен светски шампион во бокс, го обвини рускиот претседател Владимир Путин дека сака да ја уништи Украина како нација. „На Путин не му требаме ние Украинците. Му треба регионот, му треба Украина без нас. На 24 февруари, Русија започна инвазија на соседна Украина и оттогаш прогласи четири региони на југ и исток за дел од руската територија.НАШИТЕ НЕПРИЈАТЕЛИ