Претседателката на Европската комисија Урсула фон дер Лајен во саботата и честиташе на новиот италијански премиер, десничарката Џорџа Мелони, за нејзиното назначување за „прва жена на таа позиција“.

Фон дер Лејен рече дека се радува на „конструктивна соработка“ со новата влада на Мелони. Таа објави и посебен твит со кој го позрави назначувањето на Мелони за премиер на Италија, на италијански јазик. 

Congratulazioni a @GiorgiaMeloni per la sua nomina a Presidente del Consiglio Italiano, la prima donna a ricoprire questo ruolo.

Sono pronta e sono lieta di lavorare insieme al nuovo Governo in modo costruttivo per rispondere alle sfide che ci attendono.

— Ursula von der Leyen (@vonderleyen) October 22, 2022

Својата подготвеност да соработува со новиот италијански премиер „за доброто на Италија и ЕУ“ изрази и претседателот на Европскиот совет, Шарл Мишел.

„На Европа и треба Италија“, изјави претседателката на Европскиот парламент, Роберта Мецола, повикувајќи на заедничка акција за соочување со предизвиците за Унијата и за давање поддршка на Украина.